Batumidə yaranan mübahisə nəticəsində gənc yaralanıb

Batumidə 29 yaşlı gənc mübahisə zəminində yaralanıb. Yaralı təcili tibbi yardım briqadası tərəfindən Batumi Respublika Xəstəxanasına çatdırılıb.

InterPress.ge xəbər verir ki, klinikadan verilən məlumata görə, gənc əməliyyat olunub. 

Onların açıqlamalarına görə, xəstənin səhhəti stabildir, təhlillər aparılır.

 Gürcüstanın Daxili İşlər Nazirliyindən bildirilib ki, faktla bağlı “Cinayət Məcəlləsi”nin qəsdən sağlamlığa ağır və ya az ağır xəsarət yetirməni nəzərdə tutan 117-ci maddəsi ilə araşdırma aparılır.

Hadisə ötən gün günorta saatlarında Qorqaslı küçəsində baş verib.