Rusiya Prezidenti bu tarixdə Ukraynada atəşkəs barədə göstəriş verib

Rusiya prezidenti Vladimir Putin yanvarın 6-7-də Ukraynada atəşkəs barədə göstəriş verib. 

InterPress.ge xəbər verir ki, bu barədə məlumatı “Ria Novosti” Kremlin mətbuat xidmətinə istinadən yayıb.

Putin müdafiə naziri Sergey Şoyquya yanvarın 6-sı saat 12:00-dan yanvarın 7-si saat 24:00-dək Ukraynada bütün hərbi əməliyyatlar xəttində atəşkəs rejiminin tətbiqi barədə göstəriş verib.

Məlumat üçün bildirək ki, indiyə qədər Rusiya Patriarxı Kirill “Milad bayramı barışığı” ideyası ilə çıxış edib ki, pravoslavlar Milad bayramı ərəfəsində və Məsihin Doğuşu günündə ibadətdə iştirak edə bilsinlər.