Çində COVID-19-un yaratdığı kütləvi xəstəlik dalğası artır

Çində COVID-19-un yaratdığı kütləvi xəstəlik dalğası səbəbindən ölkə daxilində krematoriyalar həddən artıq dolub.

InterPRess.ge xəbər verir ki, bu barədə Bloomberg agentliyi Çinin dəfn sənayesinin işçiləri və ekspertlərinə istinadən məlumat yayıb.

Məlumata görə, Pekin və Şanxaydakı krematoriyaların əməkdaşları  bildiriblər ki, COVID-19-dan ölənlərin cəsədləri davamlı olaraq yandırılır və kremasiya üçün ən yaxın pulsuz yer yalnız yanvarın ortalarına qədər sifariş edilə bilər. Krematoriyalara hər gün 500-dən çox meyit gətirilir.

Qeyd edək ki, Çində koronavirusa yoluxma halları hökumətin karantin tədbirlərini yumşaltmaq qərarından qısa müddət sonra dekabrın sonlarında artmağa başladı.

Həmçinin məlumata görə, Çində yeni infeksiya dalğası fonunda hökumət COVID-19 ilə bağlı gündəlik statistik məlumatların dərcini dayandırıb. Təsdiqlənməmiş məlumatlara görə, ölkədə hər gün milyonlarla insana COVID-19 diaqnozu qoyulur.

Avropa İttifaqı Pekinə xəstəliyin kütləvi yayılmasının qarşısını almaq üçün Çinə pulsuz COVID-19 peyvəndi təklif edib.