Avtomobillərlə bağlı bəzi xidmətlər bu gündən bahalaşır

2023-cü ildən nəqliyyat vasitəsinin qeydiyyat vəsiqəsi və dövlət nömrə nişanının verilməsi üçün artırılmış rüsum qüvvəyə minəcək.

InterPress.ge xəbər verir ki, hökumətin təşəbbüsü ilə parlamentin qəbul etdiyi qanun yanvarın 1-dən qüvvəyə minir və bunun əsasında Daxili İşlər Nazirliyinin Xidmət Agentliyi tərəfindən fərdi xidmətlərə görə rüsum bahalaşacaq.

O cümlədən, bu gündən nəqliyyat vasitəsinə qeydiyyat vəsiqəsinin verilməsi 35 lari deyil, 100 lari olacaq; Nəqliyyat vasitəsinin dövlət nömrə nişanlarının verilməsi - 35 lari əvəzinə 80 lari, itirilmiş və ya zədələnmiş dövlət nömrə nişanlarının bərpası isə 35 lari əvəzinə 80 lari olacaq.