Vəkil: "Əcnəbilərin Saakaşvilinin mümkün “polonium” zəhərlənməsi ilə bağlı şübhələri var"

Üçüncü prezident Mixail Saakaşvilinin vəkilinin sözlərinə görə, əcnəbilərin Saakaşvilinin mümkün “polonium” zəhərlənməsi ilə bağlı şübhələri var.

InterPress.ge xəbər verir ki, vəkilin bildirdiyinə görə, beynəlxalq toksikoloji qurumdan sabiq prezidentin “polonium”dan zəhərlənib-zəhərlənmədiyini müəyyən etmək üçün onun üzərində hansı analizlərin aparılmasına dair cavab alınıb.

“Biz beynəlxalq təşkilatlara yazdıq, çünki əcnəbilər Mixail Saakaşvilinin poloniumla zəhərlənə biləcəyindən şübhələnirdilər. Beynəlxalq toksikoloji təşkilatlara yazdıq və onlardan hansı araşdırmanın aparıla biləcəyinə dair  cavab aldıq.

Biz Gürcüstandakı laboratoriyalara tədqiqatların aparılmasına dair müraciət etmişdik, ancaq onlar qeyd olunan tədqiqatları apara bilməyəcəklərini dedilər”, - Xaçapuridze bildirib.