Kutaisidə sərxoş kişi içi sərnişin dolu avtobusu qaçırıb

Vəkilin sözlərinə görə, Kutaisidə sərxoş şəxs sərnişin avtobusunu qaçırıb.  

InterPress.ge xəbər verir ki, mövcud məlumata görə, bir nəfər sükan arxasına keçərək avtobusu sərnişinlərlə birlikdə qaçırmağa çalışsa da, polis onu çox keçmədən saxlayıb.

Saxlanılan şəxsin maraqlarını vəkil Arçil Nijaradze müdafiə edir. O, hadisə ilə bağlı sosial şəbəkədə yazıb.

"Bir sözlə, mən oğrular, soyğunçular, qatillər, fırıldaqçılar, quldurları və s. müdafiə etmirəm. Amma mən indiyə qədər belə bir şey eşitməmişdim.

Kişi sərxoş vəziyyətdə olub və böyük avtobusu sərnişinləri ilə birlikdə qaçırıb”, – Arçil Nijaradze yazıb.

Daxili İşlər Nazirliyinin məlumatına görə, Cinayət Məcəlləsinin 19-178-ci maddəsi ilə araşdırma aparılır.