Şəxsi Məlumatların Mühafizəsi Xidməti Mixeil Saakaşvilinin görüntülərinin ictimailəşdirilməsi ilə bağlı araşdırmalara başladı

Şəxsi Məlumatların Mühafizəsi Xidməti Gürcüstanın üçüncü prezidenti Mixeil Saakaşvilinin dünən “Viva Med” klinikasında çəkilmiş və cəzaçəkmə müəssisəsi tərəfindən yayılan görüntülərini öyrənməyə başlayıb.

InterPress.ge xəbər verir ki, bununla bağlı Şəxsi Məlumatların Mühafizəsi Xidməti bəyanat yayıb.

“2022-ci il dekabrın 14-də Gürcüstan Ədliyyə Nazirliyi sisteminə daxil olan Xüsusi Penitensiar Xidmət Mixeil Saakaşvilinin tibb müəssisəsində qalması ilə bağlı videoçəkilişləri ictimailəşdirib.

Şəxsi Məlumatların Mühafizəsi Xidməti qanunla müəyyən edilmiş müddətdə bu məsələni araşdıracaq və nəticələri barədə ictimaiyyəti məlumatlandıracaq”, - deyə məlumatda qeyd olunub.