Xüsusi Penitensiar Xidmət Mixail Saakaşvilinin görüntülərini yayıb

Xüsusi Penitensiar Xidmət Gürcüstanın üçüncü prezidenti Mixail Saakaşvilinin görüntülərini yayıb.

InterPress.ge xəbər verir ki, Penitensiar Xidmətin məlumatına görə, videogörüntülərdə Mixail Saakaşvilinin müxtəlif dövrlərdə vəziyyəti əks olunub.

Nazirliyin açıqlamasına görə, videoçarxda “Mixeil Saakaşvilinin simulyasiya edilmiş hərəkətləri” aydın görünür, məqsədi “ədalətin həyata keçirilməsinə mane olmaq, ictimaiyyəti və beynəlxalq tərəfdaşları çaşdırmaq”dır.

“İctimai marağın yüksək olması səbəbindən Xüsusi Penitensiar Xidmət məhbus Mixail Saakaşvilinin müxtəlif dövrlərdə vəziyyətini əks etdirən videogörüntülər dərc edir.

Sözügedən videomaterialda məqsədi ədalətin həyata keçirilməsinə mane olmaq, cəmiyyəti və beynəlxalq tərəfdaşları çaşdırmaq olan Mixail Saakaşvilinin imitasiya xarakterli hərəkətləri açıq-aydın görünür.

Videogörüntülər dövlətin Mixail Saakaşviliyə münasibətini, həmçinin Mixail Saakaşvilinin tibb işçilərinə münasibətini, xüsusən onun tərəfindən sui-istifadə və aqressiv davranış faktlarını əks etdirir”, - Penitensiar Xidmətin yaydığı məlumatda deyilir.