David Zalkaliani Azərbaycanın XİN başçısı Elmar Məmmədyarovu təbrik edib

Gürcüstanın Xarici İşlər naziri David Zalkaliani azərbaycanlı həmkarı Elmar Məmmədyarovu və Azərbaycan xalqını 9 fevralı növbədənkənar parlament seçkilərinin uğurla keçirilməsi münasibəti ilə təbrik edib.

InterPress.ge xəbər verir ki, D. Zalkaliani bu barədə özünün “Twitter” hesabında paylaşım edib. O bildirib ki, Azərbaycan parlamentinin yeni tərkibinin iki ölkə arasında əlaqələrin inkişafına töhfə verəcəyinə əmindir.

“Həmkarım Elmar Məmmədyarovu və Azərbaycan xalqını dayanıqlı inkişafı üçün növbəti addım olan 9 fevral münasibəti ilə təbrik edirəm. Mən əminəm ki, Milli Məclisin yeni tərkibi Azərbaycan və Gürcüstan əməkdaşlığının inkişafına töhfə verəcək”, - deyə D.Zalkaliani bildirib.