Mixeil Saakaşviliyə qadağa qoyuldu

Müalicə aparan həkimlərin və Penitensiar Departamentin müvafiq bölməsinin qərarı ilə Gürcüstanın üçüncü prezidenti Mixail Saakaşvilinin elektron siqaretdən istifadəsinə məhdudiyyət qoyulub. 

InterPress.ge xəbər verir ki, bu barədə Gürcüstanın Ədliyyə Nazirliyi məlumat yayıb.

Nazirliyin məlumatına görə, qərarın verilməsinə səbəb Mixail Saakaşvilinin külli miqdarda elektron siqaret qəbul etməsi olub.

“Təqsirləndirilən/məhkum Mixail Saakaşvili külli miqdarda elektron siqaretdən istifadə edib ki, bu da onu tibb müəssisəsində müalicə edən həkimlər qrupunun, eləcə də Penitensiar Xidmətin müvafiq bölməsinin onun fəaliyyətinin məhdudlaşdırılması barədə qərar qəbul etməsinə əsas olub”, - deyə Ədliyyə Nazirliyindən bildirilib.