Qiorqi Amilaxvari: "Gürcüstanın ali təhsil proqramlarından alınan diplomlar Avropada tanınacaq"

"Bu gün ictimaiyyət nazirliyin təhsilin bütün səviyyələrində apardığı islahatları, gələcək planları və mövcud çağırışlarla bağlı baxışları gördü"

InterPress.ge xəbər verir ki, bu sözləri Giorgi Amilaxvar bildirib.

O, çıxışı zamanı Gürcü arzusunun hakimiyyəti dövründə aparılan islahatlardan, əldə olunan uğurlardan və mövcud çağırışlardan danışıb.  
Onun sözlərinə görə, Gürcü arzusunun idarəçilik dövründə 181 yeni məktəb tikilib və 270 məktəb əsaslı təmir olunub, 1800 məktəb isə qismən bərpa olunub.
"2012-ci ildə təhsil və elm üçün büdcə 626 milyon lari idi. Gürcü arzusunun hakimiyyəti dövründə təhsil büdcəsi 4 dəfə artıb. Bağçalarda tərbiyəçilərin maaşı 2012-ci ildə 255 lari idi, bu gün  isə 150 faiz artım var. Həmçinin 2023-cü ildən tərbiyəçilərin maaşı 100 lari artacaq. 2012-ci ildə müəllimlərin maaşı 330 lari idi. Bu gün 2023-cü ilin yeni büdcəsi nəzərə alınmaqla, tam yük şəraitində onların maaşı 1230 lari olacaq. Bundan əlavə, müəllimlərin məzuniyyət günlərinin artırılması, həmçinin hökumətin və nazirliyin qəbul etdiyi analıq məzuniyyətinin altı aya çatdırılması müsbət haldır”- deyə Qiorqi Amilaxvar bildirib. 

Peşə təhsilinə gəlincə, 68 ikili proqram yaradılıb və həyata keçirilib ki, onların çərçivəsində məşğulluq səviyyəsinin təxminən 73 faiz təşkil edir.

“Avropada tətbiq olunan eyni standartlar Gürcüstanda da tanınır ki, bu da bizim tələbələrə Gürcüstanda bitirdiyi proqramlardan əldə etdikləri diplomların Avropada tanınması imkanı verir. Ali təhsilin konkret nəticələrinə və Nazirliyin siyasətinə gəlincə, biz bunu ali təhsilin beynəlmiləlləşdirilməsi siyasətində görürük ki, burada birgə, ikili diplomların beynəlxalq akkreditasiyası ilə proqramların sayı ildən-ilə artır”- deyə Amilaxvar bildirib.

Onun sözlərinə görə, ölkədə əcnəbi tələbələrin artım göstəricisi də çox vacibdir ki, bu gün Gürcüstanda 23 min nəfər təşkil edir.