29 
Nybr
2022
11:41
3745

Yanvarın 1-dən Azərbaycanda quru sərhədlər açıla bilərmi? - AÇIQLAMA

Azərbaycan Nazirlər Kabinetinin 324 nömrəli qərarına əsasən, koronavirus (COVID-19) infeksiyasının ölkə ərazisində yayılmasının, onun törədə biləcəyi fəsadların qarşısının alınması məqsədilə Azərbaycan Respublikasının ərazisində xüsusi karantin rejiminin müddəti 2022-ci il 1 yanvar saat 06:00-dək uzadılıb.

InterPress.ge xəbər verir ki, Azərbaycanda karantin müddətinin bitməsinə bir aydan bir qədər çox müddət qalıb.

Ehtimal oluna bilər ki, növbəti ildən ölkə ərazisində xüsusi karantin rejimi ləğv edilsin. Bununla yanaşı isə karantin rejiminin yerdə qalan qadağa və tələbləri də aradan götürülsün. Vətəndaşları ən çox maraqlandıran məsələ isə Azərbaycanın quru sərhədlərinin bağlı qalması və bu qadağanın da nə vaxt götürüləcəyidir.

Məsələnin aktuallığını nəzərə alaraq azərbaycanlı tibb elmləri doktoru, professor Adil Qeybulla açıqlama verib. O, açıqlamasında bildirib ki, nə qədər ki, karantin rejimi bitməyib, pandemiya davam edəcək.

"Pandemiyanın sonuna qədər karantin rejimi də davam edəcək. Bu, birmənalı qaydadır. Karantin rejminin sərtləşdirilməsi və ya yumşaldılması isə situasiyadan asılı olacaq. Epidemioloji vəziyyət bu şəkildə davam edərsə, xüsusi sürprizlər olmazsa, karantin rejimi tamamilə yumşaldıla bilər. Amma tamamilə ləğvindən hələ danışmaq olmaz. Çünki hələ də pandemiya var və bunun qurtarması ilə bağlı raport yoxdur.

Ticarət mərkəzləri və digər kütləvi yerlərdə yoxlamaların olub-olmaması karantinin yumşaldılması ilə bağlıdır. Quru sərhədlərin açılması da epidemioloji vəziyyətlə əlaqədardır. Bu məsələdə birmənalı proqnoz vermək olmur. Hesab edirəm ki, karantin qaydaları həddən artıq yumşaldılsa, qonşu ölkələrdə də şərait buna imkan versə, sərhədlər açıla bilər".

Bizimlə əlaqə saxlayın