Sürücülük vəsiqəsinin alınması ilə bağlı yeni qayda qəbul ediləcək

Sürücülük vəsiqəsinin praktiki sınaq imtahanının ikinci mərhələsinə  çıxmazdan əvvəl nəqliyyat vasitəsinin texniki vəziyyətinin yoxlanılması məcburi olacaq.

InterPress.ge xəbər verir ki, müvafiq dəyişiklik Daxili İşlər Nazirinin  əmri ilə nəzərdə tutulub və 2023-cü il sentyabrın 1-dən tətbiq ediləcək.

Məlumata əsasən, qeyd olunan tələb sürücülüyə namizədin  tapşırığa uyğun olaraq nəqliyyat vasitəsinin texniki səmərəliliyi ilə bağlı suallara əyani göstərməklə, müvafiq alətdən istifadə etməklə, digər hərəkətlə və ya şifahi şəkildə cavab verməsini nəzərdə tutur.

Qeyd edək  ki, B və BE kateqoriyalı avtonəqliyyat vasitələrini idarə etmək üçün praktiki  sınaq imtahanı bu ilin aprel ayının 25-dən iki mərhələdən ibarət olub. Birinci mərhələ yenidən qapalı meydançada, ikinci mərhələ isə real hərəkət şəraitində keçirilir. Sürücülük qabiliyyətinə namizəd nəzəri imtahanı müvəffəqiyyətlə verdikdən sonra 30 təqvim günü müddətində praktiki imtahanın birinci mərhələsində, birinci mərhələdən müvəffəqiyyətlə keçdikdən sonra isə bir il  müddətində praktiki imtahanın ikinci mərhələsində iştirak etmək hüququna malikdir.