İran milli komandasının azərbaycanlı üzvü repressiyalara etiraz olaraq yığmadan ayrıldı

Əslən Güney Azərbaycanın Zəncan əyalətinin Xudabəndə şəhərindən olan tanınmış idmançı və İran milli taekvando komandasının üzvü Əkrəm Xudabəndəli milli komandadan ayrılıb.

Azərbaycanlı idmançı özünün sosial media hesabında etdiyi paylaşımda 12 illik idman fəaliyyətindən sonra İran milli yığmasını tərk etmək qərarına gəldiyini yazıb.

Əkrəm Xudabəndəli İran qadın taekvandoçuları arasında ən güclü idmançılardan sayılır.

O, 12 illik peşəkar idman fəaliyyəti dövründə bir neçə dəfə Asiya və dünya çempionatlarına qatılıb, qızıl və gümüş medallar qazanıb.