"Qızılgül İnqilabı"nın ildönümü ilə əlaqədar Tbilisi və Batumidə aksiyalar keçiriləcək

Bu gün saat 18:00-da “Qızılgül İnqilabı”nın 19-cu ildönümü ilə əlaqədar Tbilisi və Batumidə aksiyalar keçiriləcək.

InterPress.ge xəbər verir ki, tədbirin təşkilatçıları bu barədə sosial şəbəkələrdə yazıblar.

Məlumata görə, onlar Mixeil Saakaşvilinin azadlığa buraxılmasını və Gürcüstanda “Rusiya rejimi”nə son qoyulmasını tələb edirlər.

 “Noyabrın 23-də Qızılgül İnqilabının 19-cu ildönümündə Tbilisidə Parlamentin qarşısında və Batumidə Era meydanında toplanacağıq. Gürcüstanda müasir dövlət quruculuğunun və inkişafının məhz bu gün başladığına inananların hamısını gözləyirik" - "Mixeil Saakaşvilinin Azadlıq İctimai Komitəsi"nin yaydığı məlumatda qeyd edilib.