Rustavidə şagirdlərə qarşı əxlaqsız hərəkət törətməkdə ittiham olunan müəllim həbs cəzasına məhkum edildi
Məhkəmə Rustavidəki 20 nömrəli dövlət məktəbinin informatika müəllimi Kartlos Samarqulianini 4 şagirdə qarşı əxlaqsız hərəkətdə ittiham edərək 8 il müddətinə azadlıqdan məhrum edib.
InterPress.ge xəbər verir ki, saxlanılan şəxsin vəkili Caba Koçlamazaşvili “İnterpressnews”a müsahibəsində bildirib ki, 51 yaşlı kişi 2 uşağa qarşı əxlaqsız hərəkətlər törətmək ittihamında bəraət qazanıb, 6-cı sinifdə oxuyan iki uşağa qarşı cinayət törətməkdə isə bəraət qazanmayıb.
Kartlos Samarquliani cinayəti etiraf etməyib.
Vəkil iddia edir ki, işdə yalnız zərərçəkmişin ifadəsi var.
“Müvəkkilim 6 epizodda azğın əməllərdə ittiham olunub, 3 epizodda ona bəraət verilib, 3 epizodda isə bəraət verilməyib. O, yalnız bir şahid və ziddiyyətli ifadələr əsasında məhkum edilib, başqa heç bir sübut yoxdur. Məhkəmənin elan etdiyi hökm qanunsuz və əsassızdır, müdafiə etdiyim şəxs minimum 8 il müddətinə azadlıqdan məhrum edilib. Uşaqlardan biri dedi ki, dərsin ortasında müəllim onun çiyninə, başına, belinə və oturacağına toxunub və sanki ağlayırdı, baxmayaraq ki, növbəti dərsin müəllimi bu şagirdin qabaqda oturduğunu və heç nəyin olmadığını qeyd edir".
Xatırladaq ki, 51 yaşlı Kartlos Samarquliani Cinayət Məcəlləsinin əxlaqsız hərəkəti nəzərdə tutan 141-ci maddəsi ilə ittiham olunub. Məktəbin direktoruna da cinayət işi açılıb və onun işi ayrıca aparılır. O, cinayət barədə məlumat verməməkdə ittiham olunur.
