Parlament qarşısında "Mişaya Azadlıq" aksiyası keçiriləcək

Noyabrın 23-də, saat 18:00-da Gürcüstan parlamentində sabiq prezident Mixail Saakaşviliyə dəstək aksiyası keçiriləcək. 

InterPress.ge xəbər verir ki, bu barədə bu gün hökumət administrasiyası yaxınlığında keçirilən "Mişaya azadlıq" aksiyasında elan edilib.

Təşkilatçıların sözlərinə görə, aksiyalar nəticə əldə olunana qədər davam edəcək.

Bu gün hökumət administrasiyası yaxınlığında keçirilən aksiyada Mixail Saakaşvilinin ailə üzvləri, Milli Hərəkat partiyasının liderləri Nika Melia, Levan Xabeişvili, müxtəlif partiyaların liderləri, vətəndaş fəalları və vətəndaşlar iştirak ediblər.