İrakli Ğaribaşvili: "Müxalifət insanları aldadır guya..."

Bir çox ölkələr namizəd statusu alıblar. O vaxtdan bəri onlar illərdir üzvlük gözləyirlər və onların işində xüsusi heç nə baş verməyib.

InterPress.ge xəbər verir ki bu barədə Gürcüstanın baş naziri İrakli Ğaribaşvili parlamentdə qeyd edib.

Ğaribaşvilinin fikrincə, namizəd statusu almaq riyakarlıq və yalan deyil, hazırlıq tələb edir. 

Müxalifətdən danışan iqtidar başçısı deyib ki, insanlara yalan danışırlar, guya biz namizəd statusu almasaq, nəsə möcüzə baş verəcək, nə isə çökəcək. 

Ğaribaşvilinin sözlərinə görə, hökumət Gürcüstanın namizəd statusu alması üçün hər şeyi edib və edir.

"Bizim əsas arzumuz və məqsədimiz ölkənin birləşməsi olmalıdır. Müxalifətə müraciət etmək istərdim - siz Gürcüstanın gələcəyini ölkə birləşmədən necə təsəvvür edirsiniz? Siz sutkanın 24 saatı statusdan danışırsınız, biz anlayırıq və sizinlə razılaşırıq ki, status vacibdir. Mən də sizə izah etmək və bir daha xatırlatmaq istəyirəm - həmvətənlərimizə müraciət etmək istəyirəm ki, bir çox ölkələr namizəd statusu alıblar və o vaxtdan onlar illərdir üzvlük gözləyirlər və onların işində xüsusi heç nə baş verməyib. Bu bir mərhələdir, prosesdir, ondan sonra başqa bir proses başlayır və s. Ölkəmizin Avropa Birliyinə üzv olması üçün illər lazım olacaq. Bunun üçün hazırlıq lazımdır, ikiüzlülük və yalan yox - çıxıb insanlara yalan danışasan ki, guya biz namizəd statusu almasaq, hansısa möcüzə baş verəcək, nə isə dağılacaq. Gürcüstan status alacaq, çünki biz hər şeyi etmişik və edirik. Bu, siyasi qərardır, biz bunun üçün bütün zəminləri yaradırıq və tərəfdaşlarımıza tam hazır olduqlarını göstərmək üçün hər şeyi edirik", - deyə İrakli Ğaribaşvili bildirib.