17 
Nybr
2022
11:35
373

Gürcüstanda mənzillərin bahalaşmasına nə səbəb oldu?

Gürcüstanın böyük şəhərlərində, xüsusən də Tbilisidə daşınmaz əmlakın qiyməti durmadan artır. 

InterPress.ge xəbər verir ki, “TBC Capital”in məlumatına görə, 2022-ci ilin sentyabrında 2021-ci ilin eyni dövrü ilə müqayisədə Tbilisidə daşınmaz əmlakın dəyəri 20% artıb.

2022-ci ilin sentyabr ayına olan məlumata görə, paytaxtda 1 kvadratmetrin orta qiyməti 967 ABŞ dollarıdır. İcarənin qiyməti 74% artaraq bu ilin sentyabrında 1 kv.m üçün 9 ABŞ dolları təşkil edib. Sentyabrda Tbilisidə 3788 daşınmaz əmlak satışı qeydə alınıb. Satış ən çox Krtsanisdə (94%), Mtatsmindada (67%) və Diğumidə (44%) olub. Milli Statistika Xidmətinin məlumatına görə, Tbilisidə yeni tikilmiş daşınmaz əmlakın 1 kvadratmetrinin qiyməti ərazidən asılı olaraq orta hesabla 2500-4000 lari arasında dəyişir

Bu məlumatlar bizə nəyi göstərir, Gürcüstanın iqtisadi vəziyyəti nə dərəcədə adekvatdır və mənzil almağa və onun üçün ipoteka krediti götürməyə dəyərmi, eləcə də bu zaman nələrə diqqət yetirilməlidir – “Kviris Palitra” iqtisadçı Zviad Xorquaşviliyə bu barədə sullar verib.

- Gürcüstanda daşınmaz əmlakın qiymətinin artmasına iki əsas amil səbəb olur: birincisi - tələbat, hətta son 20 ildə də durmadan artır. Gürcüstanın inkişaf etməkdə olan ölkə olması və belə ölkələrdə asan və sürətlə inkişaf edən tikinti sektorlarının olması səbəbindən bizdə də belə olur – Sektor nisbətən asanlıqla inkişaf edir. İnkişaf etməkdə olan ölkələrdə mənzil, məsələn, qida kimi əsas tələbdir. Ona görə də tələb həmişə yüksək olur və illərdir davam edir ki, bu da müvafiq olaraq qiyməti artırır.

- Son zamanlar Gürcüstana daha bir amil əlavə olunub - çoxlu xarici vətəndaşlar gəlib və daşınmaz əmlakın satışına və kirayəsinə tələbat kəskin şəkildə artıb və bu iki şey bir-biri ilə bağlıdır. Artan kirayə haqqı və artan tələb nəticədə daşınmaz əmlak qiymətlərinə təsir edir. Bundan əlavə, hər şeydə olduğu kimi, əgər qiymətlər kəskin yüksəlirsə, bu, təkrar-təkrar inflyasiyanın günahıdır - yəni mərkəzi bankın pul siyasəti ekspansionerdir - ölkədə pul kütləsi kəskin şəkildə artır və buna görə də hər şey bahalaşır: qida, nəqliyyat, səhiyyə sektoru və digərləri, o cümlədən daşınmaz əmlak. Həddindən artıq pul artıq tələb yaradır və hətta kiçik bir böhran bir çox tikinti şirkətlərinin problemlərlə üzləşməsinə səbəb ola bilər. Bu, 2009-cu ildə bütün dünyada baş verdi. Beləliklə, qiymət artımının iki əsas səbəbi var - tələb və inflyasiya.

Bizimlə əlaqə saxlayın