Təhsil naziri tələbələri təbrik edir

“17 noyabr Beynəlxalq Tələbələr Günüdür - uzun illərdir bütün dünyada qeyd olunan bu mühüm tarix münasibətilə hər bir tələbəni təbrik etmək istəyirəm".

InterPress.ge xəbər verir ki, Gürcüstanın təhsil və elm naziri Mixeil Çxenkeli gənclərə müraciət edərək onları Beynəlxalq Tələbələr Günü münasibətilə təbrik edir.

"Gürcüstan Təhsil və Elm Nazirliyinin əsas prioritetlərindən biri tələbələrin qayğısına qalmaq və onların keyfiyyətli təhsilə çıxışını təmin etməkdir.

İnanıram ki, qarşıdan gələn illər sizin üçün xüsusi imkanlar və məsuliyyətlərlə dolu olacaq. Unutmayın ki, siz ölkəmizin daha yaxşı gələcəyini quran nəsilsiniz və hər bir qələbənizlə Gürcüstanın inkişafına və tərəqqisinə mühüm töhfələr verirsiniz.

Bir daha sizi təbrik edirəm, sizə uğurlar və məhsuldar tələbəlik illəri arzulayıram!”, - Mixeil Çxenkeli deyib.

17 noyabr Beynəlxalq Tələbələr Günü 1946-cı ildən bütün dünyada, 2009-cu ildən isə Gürcüstanda qeyd olunur.