Qiuli Alasania: "Mixeil Saakaşvili təcili əməliyyat olunmalıdır"

 Amerikalı tibb ekspertləri hesab edirlər ki, Saakaşvilinin sol əlində təcili əməliyyat lazımdır.

InterPress.ge xəbər verir ki, bu barədə
Gürcüstanın üçüncü prezidenti Mixail Saakaşvilinin anası Qiuli Alasaniya bildirib.

Qiuli Alasanianın qeyd etdiyinə görə, əgər Mixail Saakaşvilinin adı çəkilən əməliyyatı yerinə yetirmək zərurəti yaranarsa, o, bunu "Vivamed"də etməyə razı olmayacaq.

"O adam hər şeyi dedi, əməliyyat təcilidir, sümüyü dəyişdirmək lazımdır. Biz də bu yolla gedəcəyik. Burada əməliyyat olunmağa razı olmaram. Heç bir halda!" - Qiuli Alasania deyir.

Məlumat üçün bildirək ki, Gürcüstanın üçüncü prezidentinin hüquq müdafiəçisi Şalva Xaçapuridzenin sözlərinə görə, Saakaşvilinin sol əli atrofiyaya uğrayıb və bu, dözülməz ağrılarla müşayiət olunur.