Mövsümi qripə qarşı peyvənd nə vaxta qədər pulsuz olacaq?

Mövsümi qripə qarşı peyvənd noyabrın 22-dək hər kəs üçün pulsuz olacaq. 

InterPress.ge xəbər verir ki, bu barədə məlumat Milli Xəstəliklərə Nəzarət və Xalq Sağlamlığı Mərkəzinin saytında dərc olunub.

Ölkədə mövsümi qrip peyvəndi 6 aylıq uşaqlardan başlayaraq hər kəs üçün pulsuzdur. Arzu edən hər kəs peyvənd prosesində iştirak edən 400-ə yaxın tibb müəssisəsində xidmət alacaq.

Dövlət immunizasiya proqramı çərçivəsində Gürcüstan ÜST-nin tövsiyə etdiyi vaksinlərdən biri olan 200 min doza Sanofi Pasteur dördkomponentli vaksin alıb.

Milli Xəstəliklərə Nəzarət və Xalq Sağlamlığı Mərkəzi sentyabrın sonundan peyvənd vurmağa başlayıb. Birinci mərhələdə peyvənd risk altında olan şəxslərə vurulub. Noyabrın 22-dək peyvənd hər kəs üçün pulsuz olacaq.