SJC: "RMG-nin Dəllər kəndində qızıl çıxarmasına müzakirə edilmədən qərar verilib"

"Dəllər kəndində qızıl hasilatı üçün icazə ətraf mühitə təsirin qiymətləndirilməsi aparılmadan və əhalinin iradəsinə zidd olaraq verilib".

InterPress.ge xəbər verir ki, bu barədə “Sosial Ədalət Mərkəzi” məlumat verib.

RMG Dəllər kəndi yaxınlığında 11 hektar sahədə açıq üsulla qızıl və mis hasil ediləcək. Eyni zamanda təşkilat bu müddətin və ərazinin artırılmasını da istisna etmir.

“Sosial Ədalət Mərkəzinə məlum olub ki, noyabrın 1-də Ətraf Mühitin Mühafizəsi Milli Agentliyi tərəfindən qanunla müəyyən edilmiş prosedur və tələblərə zidd olaraq, Muşevani kəndi yaxınlığında qızıl hasilatı ilə bağlı qərar verilib. Bundan başqa, yerli etnik azlığın prosesdə iştirakı lazımi səviyyədə təmin olunmayıb, agentlik də bunu qanun pozuntusu hesab etməyib və təşkilatımızın və ekoloji ekspertin təqdim etdiyi iradlara məhəl qoymayıb.

Müvafiq olaraq, təşkilatımız Ətraf Mühitin Mühafizəsi üzrə Milli Agentliyin çıxardığı qərardan məhkəməyə şikayət etməyi planlaşdırır”, - deyə təşkilatdan bildirilib.