Zelenski: "Hamı deyir ki, NATO-nun qapısı açıqdır, amma bu qapıya çatmaq lazımdır"
"Ukraynanın təhlükəsizlik zəmanətinə ehtiyacı var, çünki dünyanın sabitliyi ondan asılıdır".
InterPress.ge xəbər verir ki, Ukrayna prezidenti Vladimir Zelenski bu barədə CNN telekanalına müsahibəsində Ukraynanın təhlükəsizlik zəmanəti alacağına əmin olub-olmadığı sualına cavab verərkən deyib.
Onun sözlərinə görə, əgər NATO-ya daxil olmaq yolu Ukraynanın istədiyindən uzun olacaqsa, alyansa qoşulmazdan əvvəl o, təhlükəsizlik zəmanəti almalıdır.
“Qələbədən sonra, sülhün bərqərar olmasından sonra biz bir daha eyni vəziyyətə qayıtmaq istəmirik və bu baş verə bilər. Sizə dediyim kimi, indiki Rusiya hakimiyyəti bu və ya digər formada, Minsk razılaşmasına, yaxud hansısa başqa razılaşmaya əsasən pauza istəyir. Onlar qüvvə, pul, silah toplayıb hazırlıqlara başlayacaq və bütün bunları hazırladıqdan sonra hücuma başlayacaqlar, çünki onların bir məqsədi var - bizi məhv etmək. Buna görə də təhlükəsizlik zəmanətlərinə ehtiyacımız var.
İnanırıq ki, biz artıq dünyaya gücümüzü və imkanlarımızı göstərmişik. Hesab edirəm ki, biz ən azı NATO-ya üzv dövlətlər səviyyəsindəyik və hesab edirəm ki, biz eyni təhlükəsizlik dairəsində və ittifaqda olsaq, ədalətli olar, çünki NATO ölkələri arasında müharibə yoxdur. Əgər bu yol bacardığımızdan daha çətindirsə, o zaman NATO üzvlüyünə çatmaq üçün bu yolda təhlükəsizlik zəmanətlərinə ehtiyacımız olacaq. Hamı deyir ki, NATO-nun qapısı açıqdır, amma bu qapıya çatmaq lazımdır”, - deyə Zelenski bildirib.
