Gürcüstanda koronavirusun aylıq statistikası artıq dərc edilməyəcək

Gürcüstanda koronavirusun aylıq statistikası artıq dərc edilməyəcək.

InterPress.ge xəbər verir ki, məlumatı Xəstəliklərə Nəzarət Mərkəzi təsdiqləyib.

Mərkəzin izah etdiyinə görə, buna səbəb son vaxtlar ölkədə koronavirusun azalması və epidemiya vəziyyətin stabil olmasıdır.

Koronavirusa yoluxmuş şəxslərlə bağlı statistik məlumatlar digər hesabatlarla birlikdə dərc olunacaq.

Milli Xəstəliklərə Nəzarət Mərkəzi oktyabrın 4-də kovidə yoluxma ilə bağlı son statistik məlumatları dərc edib. 2022-ci il sentyabrın 30-na olan məlumata görə, Gürcüstanda 1 792 109 koronavirusa yoluxma halı aşkarlanıb və onlardan 16 900-dən çox insan ölüb.