Rustavidə avtomobil qəzası baş verdi - 5 nəfər yaralandı

Rustavidə Mşenebelta küçəsində yol qəzası baş verib.

InterPress.ge xəbər verir ki, “Volkswagen” və “Mercedes” markalı avtomobillər bir-biri ilə toqquşub, nəticədə 5 nəfər xəsarət alıb.

Yaralılar təcili tibbi yardım briqadası tərəfindən mərkəzi xəstəxanaya çatdırılıb.

Klinikanın təcili yardım şöbəsinin müdiri Tea Qelaşvilinin verdiyi məlumata görə, yaralıların vəziyyəti stabildir. 

Hadisə yerinə xilasedici və patrul polis qrupları səfərbər edilib.