Gürcüstandan bu istiqamətə birbaşa uçuşlar bərpa oluna bilər
Noyabrın 1-də Gürcüstanın İsveçrədəki fövqəladə və səlahiyyətli səfiri Revaz Lominadze İsveçrənin “Edelveys” aviaşirkətinin icraçı kommersiya direktoru Patrik Heyman ilə görüşüb, söhbətin mövzusu Gürcüstan və İsveçrə arasında birbaşa hava əlaqəsi olub.
InterPress.ge xəbər verir ki, bu barədə Gürcüstanın İsveçrədəki səfirliyindən məlumat verilib.
Səfirlikdən verilən məlumata görə, İsveçrə aviaşirkəti Sürix-Tbilisi-Sürix istiqamətində uçuşların cədvəlində maraqlıdır və bu məsələ ilə bağlı danışıqlar başa çatmaq üzrədir, Gürcüstanın İsveçrə Konfederasiyasındakı səfirliyi bu istiqamətdə fəal iştirak edir.
Görüşdə Gürcüstan səfiri qeyd olunan məsələnin müsbət həllinin vacibliyi və perspektivindən ətraflı danışıb. Revaz Lominadze İsveçrə aviaşirkətinin rəhbərlərini Gürcüstan iqtisadiyyatının artan dinamikası barədə məlumatlandırıb, mülki aviasiya və turizm sektorlarında mövcud vəziyyətə və müsbət meyillərə xüsusi diqqət yetirib. İki ölkə arasında birbaşa uçuşlar turist axınının artmasına, investorların cəlb edilməsinə və iqtisadi əməkdaşlığın gücləndirilməsinə töhfə verəcək”, - səfirliyin bəyanatında deyilir.
