Küçədə gürcülərə söyən Rusiya vətəndaşı saxlanıldı

Hüquq-mühafizə orqanlarının əməkdaşları Ağmaşenebeli prospektində gürcülərə söyən, nalayiq sözlər işlədən vətəndaşı saxlayıblar.

InterPress.ge xəbər verir ki, saxlanılan şəxs Rusiya vətəndaşıdır və sərxoş vəziyyətdə olub.

Daxili İşlər Nazirliyindən verilən məlumata görə, polis həmin şəxsi yuxarıda qeyd olunan hərəkəti dayandırmağa çağırsa da, şəxs polisin tələblərinə tabe olmayıb.

"Polis əməkdaşları tərəfindən İnzibati Xətalar Məcəlləsinin 166 və 173-cü maddələri ilə bir nəfər saxlanıldı, O, ictimai asayişi pozub və polis əməkdaşlarının qeyd olunan hərəkətin dayandırılması ilə bağlı dəfələrlə çağırışlarına baxmayaraq, qanuni tələblərə tabe olmayıb”, - Daxili İşlər Nazirliyinin mətbuat xidmətindən bildiriblər.