Tbilisidə Şəhər Şurasında qarşıdurma baş verib

Tbilisi Şəhər Şurasında səs-küy yaranıb. Şura üzvləri bir-biri ilə üz-üzə gəlib.

InterPress.ge xəbər verir ki, qarşıdurmada “Gürcü Arzusu”ndan olan deputatlar və müxalifət üzvləri iştirak edib.

Vake parkında baş verən faciə ilə bağlı başlayan mübahisənin ardınca əvvəlcə deputatlar arasında sözlü qarşıdurma, daha sonra dava düşüb.

Müxalifət Tbilisi meri Kaxa Kaladzenin Sakrebulonun növbədənkənar sessiyasına gəlmədiyi və faciə ilə bağlı onların suallarına cavab vermədiyi üçün narazılığını bildirib. Əksəriyyət nümayəndələri bildiriblər ki, müxalifət Vake parkında baş verən faciəni siyasiləşdirməyə çalışır və faciə ilə bağlı spekulyasiyalar aparır.

Şəhər Şurasının bugünkü iclasında bir neçə dəfə vəziyyət gərginləşib.