Yanvar ayının 1-dən bu qaydanı pozan şəxslər 5 min lari cərimələnə bilər

2023-cü il yanvarın 1-dən Gürcüstanda bütün siqaretlərin qablaşdırılması sadə və vahid olmalıdır. 

InterPress.ge xəbər verir ki, bunu “Tütünlə mübarizə haqqında” qanun nəzərdə tutur.

Bu qayda və qaydanın pozulması 5000 lari məbləğində cərimə ilə nəticələnəcək və qanunvericilik müvafiq tütün məmulatlarının müsadirəsini nəzərdə tutur.

Lakin qeyd etmək lazımdır ki, sözügedən tənzimləmənin biznes üçün tətbiq edilib-edilməyəcəyi hələlik məlum deyil.

Xatırladaq ki, 2022-ci ilin iyununda deputatlar Davit Sonğulaşvili, Qoça Enukidze, Qela Samxarauli və İsko Dasen parlamentdə sözügedən öhdəliyin təxirə salınmasını tələb edən qanun layihəsinin təşəbbüskarı olublar. Xüsusilə, deputatların fikrincə, tütün məmulatlarının standartlaşdırılmış qablaşdırılması öhdəliyi 31 dekabr 2022-ci il deyil, 31 dekabr 2024-cü ildə qüvvəyə minməlidir, çünki Ukraynada davam edən müharibə ilə əlaqədar dəyişikliyin həyata keçirilməsi ilə bağlı şirkətlərə vaxt lazımdır.

Şirkətlərin məlumatına görə, Ukrayna hadisələrindən əvvəl Gürcüstan bazarı üçün nəzərdə tutulan tütün məmulatları əsasən Ukrayna zavodlarında istehsal olunurdu. Mövcud hadisələrlə əlaqədar olaraq, münaqişənin ilk günlərindən Ukraynada məhsul istehsalı qeyri-mümkün olub və bu mərhələdə Gürcüstan bazarında tələbatı ödəmək üçün istehsal müxtəlif ölkələrə ötürülür.

"Normal şəraitdə belə bir yeni məhdudiyyətə riayət etmək üçün  istehsalın yenidən qurulması kifayət qədər uzunmüddətli hazırlıq və yenidənqurma prosesini nəzərdə tutur, bunun üçün texniki reqlamentlərin mövcudluğu zəruri idi. Ukraynadakı vəziyyətlə əlaqədar olaraq, bu proses daha uzun və mürəkkəbləşdi, çünki standartlaşdırılmış qablaşdırmanın müvafiq proseslərini bir fabrikdə həyata keçirmək əvəzinə, şirkətlər bir neçə ölkədəki müxtəlif fabriklərdə müvafiq prosesləri yenidən təşkil etməli olurlar ki, bu da  1 yanvar 2023-cü ilə qədər mümkün olmayacaq. 

Bundan əlavə, nəzərə almaq lazımdır ki, hazırda fabriklərdə istehsal fövqəladə rejimdədir, çünki bu cür istehsal bölgüsü şirkətlərin adi təcrübəsi deyil və standartlaşdırılmış qablaşdırmaya keçid üçün ilk növbədə istehsal normallaşdırılmalıdır ki, bu da 12-24 ay müddət tələb edir”, - deyə layihənin izahatında deyilir.

Tütün məmulatlarının standartlaşdırılmış qablaşdırılması öhdəliyinin icrasının təxirə salınmasına gəlincə, qanun layihəsinin qanunverici orqanda yaxın vaxtlarda müzakirəsinə başlanılacaq.

Xüsusilə Səhiyyənin Müdafiəsi və Sosial Məsələlər Komitəsi yaxın günlərdə layihəni müzakirə etməyi planlaşdırır. Sözügedən öhdəliyin 2 il müddətinə təxirə salınması səhiyyə komitəsində müzakirə olunur.