Tbilisidə ictimai nəqliyyatdan istifadə edənlərin nəzərinə...

Sabahdan Tbilisidə N500 mikroavtobusu 292 nömrəli avtobusla əvəz olunacaq. Marşrut üzrə “İsuzu” markalı avtobus hərəkət edəcək. 

InterPress.ge xəbər verir ki, bu barədə Tbilisi meriyası məlumat yayıb.

Məlumata görə, dəyişiklik mövcud marşruta təsir etməyəcək.

"292 nömrəli avtobus "Axmeteli Teatrı" metrostansiyasından Vekua, Xizanişvili, Vasadze, Kerçi, Saracişvili və Şeşelidze küçələri ilə hərəkət edəcək. Daha sonra avtobus Mindeli körpüsü, Gürcü-Amerika dostluğu prospekti və Davit Ağmaşenebeli xiyabanı ilə hərəkət edəcək.

N292 avtobusun son dayanacağı Tbilisi Mall ticarət mərkəzi olacaq”, - Tbilisi meriyası bildirib.