Müharibədə həlak olan əsgərlərin ailələrinə dövlət mükafatları verildi
Gürcüstanın ərazi bütövlüyü uğrunda gedən döyüşlərdə həlak olan və müharibədən sonra vəfat edən döyüşçülərin ailə üzvlərinə dövlət mükafatları verilib.
InterPress.ge xəbər verir ki, bu barədə məlumatı Abxaziya Muxtar Respublikası hökuməti yayıb.
Məlumata görə, Gürcüstan Müdafiə Nazirliyinin İkinci Ordu Korpusunun 24-cü briqadasının 242-ci və 243-cü batalyonlarının 20 döyüşçüsünün ailəsinə dövlət mükafatlarını Gürcüstan hökuməti sədrinin müavini Anzor Marqiani, Abxaziya Muxtar Respublikası, Veteranlarla İş üzrə Dövlət Xidmətinin direktoru, general-mayor Koba Kobaladze, direktor müavini Jandri Ubiria, xidmətin monitorinq və audit şöbəsinin rəisi Qia Edilaşvili və 242-ci batalyon komandiri Soso Silaqadze təqdim edib.
Mükafatlandırma mərasimi Abxaziya Muxtar Respublikası və Acarıstan Muxtar Respublikasının Məcburi Köçkünlər Nazirliyinin İmereti, Quriya, Raça-Leçxumi və Kvemo Svaneti rayonları üzrə nümayəndəliyində keçirilib.
