Kaladze: "Gürcüstanda siyasi məhbus yoxdur - əgər insan cinayət törədibsə, o, cavab verməlidir"

"Xoşbəxtlikdən Gürcüstanda siyasi məhbus yoxdur - əgər insan cinayət törədibsə, o, cavab verməlidir".

InterPress.ge xəbər verir ki, bu barədə paytaxt meri Kaxa Kaladze jurnalistlərə bildirib.

Jurnalistlərin "Mtavari Arxinin təsisçisi Nika QvaramiyanınTbilisi Apellyasiya Məhkəməsi tərəfindən təqsirli bilinməsini necə qiymətləndirirsiniz?” sualına Kaladze Nika Qvaramiyanın prosesini izləmədiyini və bu barədə şərh verməyin çətin olacağını deyib.

Siyasi məhbuslarla bağlı suala gəlincə, Kaladze qeyd edib ki, “bizim konkret cinayətə görə cəza çəkən konkret cinayətkarlarımız var”.

“Bilmirəm, Nika Qvaramiyanın prosesini izləməmişəm və təfərrüatlara varmaq mənim üçün çətin olacaq. Siyasi məhbuslara gəlincə, xoşbəxtlikdən Gürcüstanda siyasi məhbus yoxdur. Bizdə konkret cinayətə görə cəza çəkən konkret cinayətkarlar var. Bu “iş”in təfərrüatlarına varmaq mənim üçün çətin olacaq. Əgər insan cinayət törədibsə, cavab verməlidir”, - Kaladze qeyd edib.