Polis Kaxetidə bacısını öldürən şəxsi saxladı

Daxili İşlər Nazirliyinin Kaxeti Polis Departamentinin əməkdaşlarının keçirdikləri əməliyyat-istintaq tədbirləri nəticəsində 1987-ci il təvəllüdlü Z.A. saxlanılıb.

InterPress.ge xəbər verir ki, Daxili İşlər Nazirliyi (DİN) bununla bağlı açıqlama verib.

İstintaq müəyyən edib ki, təqsirləndirilən şəxs Siğnağidə sərxoş vəziyyətdə bacısı, 1988-ci il təvəllüdlü M.A.-ya fiziki xəsarət yetirib, nəticədə qadın yerində ölüb. Cinayətdə təqsirləndirilən Z.A. hüquq-mühafizə orqanlarının əməkdaşları tərəfindən saxlanılıb.

Ailə üzvünün sağlamlığına qəsdən ağır xəsarət yetirmə faktı üzrə istintaq Gürcüstan Cinayət Məcəlləsinin 11 Prima-117-ci maddəsinin 4-cü hissəsi ilə aparılır.

Cinayət 10 ildən 14 ilə qədər azadlıqdan məhrumetmə ilə cəzalandırılır.