Daxili İşlər Nazirliyi 2002-ci ildən adam öldürməyə cəhdə görə axtarışda olan şəxsi saxladı
Daxili İşlər Nazirliyinin Mərkəzi Kriminal Polis Departamentinin Axtarış Şöbəsinin əməkdaşları 2002-ci ildə törətdiyi cinayətə görə axtarışda olan şəxsi - 1975-ci il təvəllüdlü K.Ç.-ni saxlayıblar.
InterPress.ge xəbər verir ki, bu barədə Daxili İşlər Nazirliyi məlumat verib.
Hüquq-mühafizə orqanının məlumatına görə, o, ağırlaşdırılmış şəraitdə adam öldürməyə cəhdə görə axtarışda olub.
Daxili İşlər Nazirliyindən verilən məlumata görə, istintaq müəyyən edib ki, məhkum K.Ç. 2002-ci il sentyabrın 4-də Çiaturada, Ninoşvili küçəsində yerləşən meydanın yaxınlığında Q.T.-ya 5 dəfə atəş aşıb, onunla əlbir olan K.V. isə odlu silahdan açdığı atəşlə C.Z-ni ölümcül yaralayıb, bundan sonra hər iki şəxs hadisə yerindən qaçıb.
Yaralı Q.T. tibb müəssisəsinə yerləşdirilib, müvafiq müalicə aparılıb, C.Z. isə ertəsi gün xəstəxanada dünyasını dəyişib. Polis K.V. -ni 2004-cü ildə saxlayıb.
Daxili İşlər Nazirliyinin məlumatına görə, 2002-ci ildə İmereti, Raca-Leçxumi və Kvemo Svaneti Polis Departamentinin Çiatura Rayon Şöbəsinin icraatında məhkəmə K.Ç.-yə qarşı cinayət işi üzrə təqsirli hökm çıxarıb. Saxlanılan K.Ç. cəzaçəkmə müəssisəsinə köçürülüb.
