Ukraynalılar bir ay ərzində 233 "kamikadze" pilotsuz uçan aparatı məhv ediblər

Ukrayna müdafiəçiləri bir ay ərzində 233 “kamikadze-dron”u vurub, onlardan 10 Shahed çərşənbə günü Kiyev istiqamətində məhv edilib.

InterPress.ge xəbər verir ki, bu barədə Ukrayna prezidenti Vladimir Zelenski ənənəvi videomüraciətində bildirib.

 “Biz Ukrayna səmasının tam təhlükəsizliyini təmin etmək üçün çalışırıq.  Artıq mühüm nəticələrimiz var: biz bir ay ərzində 233 “Shahed” pilotsuz təyyarəsini və onlarla raketi vurduq. İranın 10 pilotsuz təyyarəsi bu gün Kiyev istiqamətində məhv edilib.  Daha 11 Shahed Cənub Hava Komandanlığının əsgərləri sayəsində məhv edilib. Böyük iş üçün təşəkkürlər! Təəssüf ki, zərər də var.  Kritik infrastruktura ziyan dəyib.  Bu gün düşmən üç enerji obyektini məhv edib”, - deyə Zelenski bildirib. 

Prezident bir daha əhalini elektrik enerjisindən məhdud şəkildə istifadə etməyə çağırıb.

 “Lazımsız elektrik cihazlarından istifadə etməyin.  Elektrik istehlakınızı və çox enerji sərf edən cihazların istifadəsini məhdudlaşdırın.  İstehlakın mümkün qədər şüurlu olması çox vacibdir”, - Zelenski bildirib.