Kaxa Kaladze: "Günahımın olduğu üzə çıxarsa, qanun qarşısında cavab verməyə hazıram”

"Mən bir neçə gün əvvəl bəyanat vermişəm və bunu bir daha təkrar etmək istəyirəm, günahımın olduğu üzə çıxarsa, şəxsən mən qanun qarşısında cavab verməyə hazıram”.

InterPress.ge xəbər verir ki, bu barədə Tbilisi meri Kaxa Kaladze paytaxt hökumətinin iclasında Vake parkında baş verən faciə ilə bağlı danışarkən bildirib.

Kaladze baş verənlərlə bağlı həqiqətin üzə çıxacağına ümid etdiyini söyləyib.

“Müttəhimlər arasında meriyanın əməkdaşının olması bizim üçün ağrılıdır, lakin həqiqəti üzə çıxarmaq bir az rahatlıq gətirə biləcək yeganə şeydir. Ümid edirəm ki, həqiqət hamı üçün üzə çıxacaq və heç bir sual olmayacaq”, - deyə Kaxa Kaladze bildirib.