Daha bir aviaşirkət Gürcüstana müntəzəm uçuşlara başlayır

Moldovanın “Air Moldova” şirkəti Tbilisiyə uçacaq.

InterPress.ge xəbər verir ki, şirkət artıq ilk uçuşunu həyata keçirib.

Aviaşirkətin bu gün həyata keçirdiyi Kişinyov-Tbilisi reysi ilə 140 sərnişin gəlib, 133 nəfər isə Tbilisidən Kişinyova uçub.

Uçuşlar hər bazar ertəsi və cümə günləri Airbus 319 təyyarələri ilə həyata keçiriləcək.

Noyabr ayından qış mövsümündə aviaşirkət həftəlik uçuşların tezliyini dördə çatdırmağı planlaşdırır.