Washington Post: "Rusiya və İran gizli razılığa gəliblər"

ABŞ və müttəfiqlərinin rəsmilərinin bildirdiyinə görə, İran Ukraynaya hücum üçün Rusiyaya silah tədarükünü artırmağa gizli razılıq verib.

InterPress.ge xəbər verir ki, bu barədə Washington Post yazır.

Nəşrin məlumatına görə, rəsmi Tehran Rusiyaya Ukraynadakı döyüş meydanında istifadə üçün nəzərdə tutulan raket və pilotsuz təyyarələr göndərməyi planlaşdırır.

Təhlükəsizlik rəsmiləri nəşrə bildiriblər ki, İran İslam Respublikası gizli şəkildə Moskvaya silah, o cümlədən qırıcı təyyarələrin tədarükünü artırmağa razılaşıb.

“Washington Post”un xəbərinə görə, ABŞ-ın müttəfiqlərindən birinin kəşfiyyatı İran rəsmilərinin əlavə silahların göndərilməsi şərtlərini yekunlaşdırmaq üçün keçən ay Moskvaya səfər etdiyini göstərir.