Tbilisidə fəvvarəyə düşən topu götürməyə çalışan 2 uşağı elektrik cərəyanı vurdu

Vake Parkda uşaqlar oyun oynayarkən topları fəvvariyə düşüb və onu götürmək üçün suya girən iki azyaşlını elektrik cərəyanı vurub.

InterPress.ge xəbər verir ki, baş verən hadisə ilə bağlı Daxili İşlər Nazirliyi araşdırmalara başlayıb.

Hadisə ilə bağlı Cinayət Məcəlləsinin 240-cı maddəsinin birinci hissəsi ilə obyektdə təhlükəsizlik qaydalarının pozulması, sağlamlığa az və ya ağır zərər vurulması ilə bağlı araşdırma aparılır.

Hazırda şok vəziyyətində olan hər iki uşaq Xeçinaşvili klinikasına yerləşdirilib və hər ikisinin vəziyyəti ağırdır. Başqa bir uşağa qorxudan yaranan stress səbəbiylə tibbi yardım lazım olub, lakin onun həyatı təhlükədə deyil.