Bu gün Gürcüstanın bütün bölgələrində yağışlı hava şəraiti gözlənilir

Oktyabrın 9-u günün ikinci yarısından 11-i günortayadək Qərbi Gürcüstanda, 10-u günortayadək isə Şərqi Gürcüstanda arabir yağış yağacağı, bəzi yerlərdə şimşək çaxacağı, güclü qərb küləyinin əsəcəyi, dənizdə 3-4 bal gücündə fırtına olacağı gözlənilir.

InterPress.ge xəbər verir ki, bu barədə Milli Ətraf Mühit Agentliyi məlumat verib. 

Onların məlumatına görə, gözlənilən güclü yağışlar Gürcüstan çaylarında suyun səviyyəsinin əhəmiyyətli dərəcədə artmasına, kiçik çaylarda daşqınlara, dağlıq ərazilərdə sürüşmə proseslərinin başlamasına və aktivləşməsinə səbəb ola bilər.