"Müxalifət müxtəlif istiqamətlərdə konkret qərarlar qəbul etməli olacaq" - Melia

"Bu tip parlamentdə demokratik qanun yaradıcılığının mövcud olması mümkün deyil - müxalifət müxtəlif istiqamətlərdə konkret qərarlar qəbul etməli olacaq".

InterPress.ge xəbər verir ki, "Milli Hərəkat"ın sədri Nika Melia bu barədə deoliqarxizasiya haqqında qanun layihəsini dəyərləndirərkən jurnalistlərə bildirib.

Onun sözlərinə görə,  gələcəkdə dövlət üçün faydalı olacaq, demokratik quruluşa təhlükə yaratmayacaq qanun layihəsinin qəbul ediləcəyinə ümidi yoxdur.

“Rus arzusu” ali qanunverici orqandan başlayaraq bütün dövlət bürokratik aparatlarını zəbt etdiyi yerdə təbii ki, demokratik müzakirə və əsaslandırma olmayacaq. Bu tip parlamentlərdə demokratik qanun yaradıcılığının olması mümkün deyil. Bidzina İvanişviliyə qul kimi tabe olan deputatlar var.

Partiyaları elə dəyişirlər ki, əhali həqiqətən də partiyalarını dəyişdiklərinə belə inanmır, sadəcə olaraq psevdo platforma yaradıb irəliləyirlər. Müxalifət müxtəlif istiqamətlərdə konkret qərarlar qəbul etməli olacaq", - Melia deyib.