Rusiya Federasiyası vətəndaşlarının Gürcüstan sərhədini keçmələrinin sayı azalıb

“Dariali” sərhəd-keçid məntəqəsində sərnişin axını xeyli azalıb. Həmçinin, Gürcüstanın bütün sərhəd-keçid məntəqələrində Rusiya Federasiyası vətəndaşlarının sərhədi keçmələrinin sayı azalıb.

InterPress.ge xəbər verir ki, bu barədə Daxili İşlər Nazirliyi məlumat verib.

“Daxili İşlər Nazirliyi yüksək ictimai marağa əsaslanaraq, Rusiya Federasiyasından Gürcüstana daxil olan vətəndaşlar haqqında məlumatları fəal şəkildə dərc edir. “Dariali” sərhəd-keçid məntəqəsində sərnişin axını xeyli azalıb. Gürcüstanın bütün sərhəd-keçid məntəqələrində Rusiya Federasiyası vətəndaşlarının sərhədi keçmələrinin sayı da azalıb. 

O cümlədən, 29 sentyabr saat 10:00-dan 30 sentyabr saat 10:00-dək Rusiya Federasiyasının 6109 vətəndaşı Gürcüstana gəlib, 5186 vətəndaşı isə Gürcüstan ərazisini tərk edib. Sentyabrın 28-i saat 10:00-dan sentyabrın 29-u saat 10:00-a kimi 9642 Rusiya vətəndaşı daxil olub, 5448 vətəndaş çıxıb.

Eyni zamanda, “Dariali” sərhəd-keçid məntəqəsində yük və minik avtomobillərinin hərəkəti adi iş rejiminə qayıdıb, nəticədə son bir neçə gündə dayanmış tranzit nəqliyyatı tam bərpa olunub”, - deyə məlumatda bildirilir.

Qurumun qeyd etdiyinə görə, Daxili İşlər Nazirliyi gələcəkdə sərnişin axınının statistikasını dərc etməyi və ictimaiyyəti məlumatlandırmağı fəal şəkildə davam etdirəcək.