Geostat: Avqustda Gürcüstan iqtisadiyyatı 10,5% artıb

İlkin hesablamalara görə, 2022-ci ilin avqust ayında əvvəlki ilin müvafiq dövrü ilə müqayisədə real ümumi daxili məhsulun (ÜDM) artımı 10,5 faiz təşkil edib, 2022-ci ilin 8 ayı üzrə orta göstərici isə 10,3 faiz müəyyən edilib.

InterPress.ge xəbər verir ki, bu barədə Geostat məlumat verib.

Bildirilib ki, bu ilin avqust ayında əvvəlki ilin müvafiq dövrü ilə müqayisədə aşağıdakı sektorlar artıma mühüm töhfə verib: nəqliyyat və anbar təsərrüfatı, tikinti, informasiya və rabitə, mehmanxana və restoranlar, ticarət.

İstehsal sənayesində və daşınmaz əmlakla bağlı fəaliyyətlərdə azalma tendensiyası müşahidə olunub.