Lars keçid məntəqəsində Rusiyadan Gürcüstana keçmək istəyənlərin sayı artır

Şimali Osetiyada Rusiya-Gürcüstan sərhədində ard-arda 3500 avtomobil və 1300 yük maşını durur.

InterPress.ge xəbər verir ki, Rusiya mətbuatının məlumatına görə, bu barədə respublikanın baş nazirinin müavini İrbek Tomayev bildirib.

"Son bir neçə gün ərzində Gürcüstan istiqamətində nəqliyyat vasitələrinin axını xeyli artıb. Tranzit nəqliyyat vasitələrinin ümumi sayı 4800-dür, o cümlədən 1300-ü yük maşını, 3500-ü isə minik avtomobilidir", - Tomayev qeyd edib.

Onun sözlərinə görə, ötən həftə Zemo Lars keçid məntəqəsi vasitəsilə Rusiya-Gürcüstan sərhədini hər iki istiqamətdə 37 500 nəqliyyat vasitəsi və 115 000 nəfər keçib ki, bu da əvvəlki həftə ilə müqayisədə 23,3% çoxdur.