Pentaqon əsgərləri Almaniyadan çıxarmaq üçün bir neçə plan hazırlayıb

ABŞ Müdafiə Nazirliyi amerikalı hərbçilərin Almaniyadan çıxarılması üzrə bir neçə planı ölkə prezidenti Donald Trampa təqdim edəcək.

InterPress.ge xəbər verir ki, bunu “TASS”a Pentaqonun rəsmi nümayəndəsi Conatan Hoffman deyib.

Onun sözlərinə görə, Müdafiə naziri Mark Esper 29 iyunda Trampa planlar barədə məruzə edəcək.

Qeyd edək ki, ABŞ Almaniyadakı hərbi kontingentinin sayını 25 min nəfərə qədər azaltmaq niyyətindədir.

ABŞ prezidenti Donald Tramp bəyan edib ki, Almaniyadakı hərbçilərin bir hissəsi Polşaya göndərilə bilər. Polşa tərəfi isə bunu qəbul edib.