23 
Sen
2022
11:21
283

Səfərbərlik günündən bəri rusların Gürcüstanda mənzilə tələbatı 8 dəfə artıb

Rusiyada qismən səfərbərlik elan edildikdən sonra getdikcə daha çox insan ölkəni tərk edir, eyni zamanda aviabiletlərə və xarici daşınmaz əmlaka tələbat artır.

lnterPress.ge xəbər verir ki, Forbes.ru-nun yazdığı məlumata görə, son 2 gündə Gürcüstanda mənzilə tələbat sentyabrın 19-u ilə müqayisədə 8 dəfə artıb.

Səfərbərlik elan edildikdən sonra aviabiletlərə və otel rezervasiyasına tələbat da artıb. Adının çəkilməsini istəməyən bilet və otel rezervasiya xidmətlərindən birinin nümayəndəsi Forbes-ə bildirib ki, xaricdə aviabiletlərin orta qiyməti gündə 77% artıb. Onun hesabatına görə, Rusiyadan xaricdə axtarış sorğularının sayı sentyabrın 19-da, yəni səfərbərlikdən əvvəlki “neytral gündəm”lə müqayisədə 3,2 dəfə artıb.

Ən çox istifadəçilər Gürcüstan, Türkiyə, Ermənistan, Qazaxıstan, Özbəkistan, Qırğızıstan, Azərbaycan, Birləşmiş Ərəb Əmirlikləri, Tailand və Tacikistan kimi vizasız ölkələrə uçuşlar axtarırlar. Bundan başqa, səfərbərlik günü olan sentyabrın 21-də əcnəbi bilet alıcılarının 90%-i birtərəfli bilet bron edib ki, bu da əvvəlki günlə müqayisədə 18% çoxdur.

Aviabiletlərlə yanaşı, xaricdə otellərə tələbat da artıb. Ostrovok.ru onlayn rezervasiya xidmətinin məlumatına görə, səfərbərlik günü olan sentyabrın 21-də MDB ölkələrində otel axtarışlarının sayı sentyabrın 19-u ilə müqayisədə 5 dəfə, rezervasiyaların sayı isə 2 dəfə artıb. Sentyabrın 19-u ilə müqayisədə ruslar Gürcüstan, Qırğızıstan və Qazaxıstanda 8 dəfə, Ermənistanda isə 14 dəfə çox ev axtarırdılar. Serbiyada otellərə tələbat 6 dəfə, Türkiyədə isə 3 dəfə artıb. Neytral sentyabrın 19-u ilə müqayisədə sentyabrın 21-nə real sifarişlərin (alışların) sayı da Qırğızıstanda 5 dəfə, Qazaxıstanda 3,5 dəfə, Ermənistanda 3 dəfə, Özbəkistanda isə, 2 dəfə artıb.

Bizimlə əlaqə saxlayın