InterPress.ge xəbər verir ki, Gürcüstanın Regional İnkişaf və İnfrastruktur Nazirliyinin Munisipal İnkişaf Fondu Marneuli Munisipalitetinin Qullar kəndində 90 şagird üçün nəzərdə tutulmuş ictimai məktəbin reabilitasiyasını başa çatdırıb.
Sinif otaqları, ayaqyolu (tualetlər), idman meydançaları və həyətyanı sahə abadlaşdırılıb. Həmçinin istilik, su və kanalizasiya sistemləri çəkilib.
Məktəb beynəlxalq standartlara uyğun şəkildə reabilitasiya olunub və sağlamlıq imkanları məhdud olan şəxslər üçün tam uyğunlaşdırılıb.




