21 
Sen
2022
15:19
2932

Kənd sakinləri Aydın Həmzəyevin qətlə yetirilməsinin səbəblərindən danışıblar

Sakinlər Saqarecoda baş verən qətl hadisəsindən danışıblar.

InterPress.ge xəbər verir ki, Keşəli kəndinin sakinləri hesab edirlər ki, qətl zorla pul tələb etmə və ya qısqanclıqla bağlı ola bilər. 

Onlardan biri söyləyib ki, 36 yaşlı Aydın Həmzəyevin qətlinin səbəbini hələlik heç kim bilmir. 

"Aydın kiçik bizneslə məşğul idi və müəyyən gəlirləri var idi. Bir neçə ay əvvəl ondan pul tələb edirdilər. Bizə bildirildiyinə görə, bu barədə polisə xəbər verib və polis onları tutub. 

Versiyalardan birinə görə, Aydını qohumlarından biri öldürüb. İkinci versiyaya görə, qısqanclıqla bağlı ola bilər. Bir hadisə baş vermişdi və hamı bunu bildi. Belə bir versiyamız var ki, bir müddət sonra qisas almaq istəyiblər", - deyə sakinlərdən biri söyləyib.

 

Bizimlə əlaqə saxlayın