Gürcüstanda sosial yardım alanların sayı artıb

Gürcüstanda yaşayış müavinəti alanların sayı təxminən 7 faiz artıb. 

InterPress.ge xəbər verir ki, bu barədə Sosial Xidmətlər Agentliyinin saytında dərc olunan statistik məlumatlarda qeyd olunub.

2022-ci ilin iyul ayında 664 278 nəfər yaşayış müavinəti alıb ki, bu da əvvəlki ilin müvafiq dövrü ilə müqayisədə 42 012 nəfər çoxdur. 2021-ci ilin iyul ayında 622 266 nəfər dövlət yardımı alıb.

Bundan başqa, son bir ildə özünü yoxsul hesab edən və maddi yardıma ehtiyacı olan şəxslərin sayı 73 443 nəfər artıb.

O cümlədən, 2021-ci ilin iyul ayında 1 059 442 nəfər ünvanlı sosial yardım proqramında qeydiyyata alınıbsa, 2022-ci ilin iyul ayında bu rəqəm 1 132 885 nəfərə yüksəlib. Burada artım 6,9% təşkil edir.